CORDEIRO. Implantación de sistemas de produción de cordeiro galegos con xestión integral. Uso de alimentación diferenciada

O obxectivo xeral deste Grupo Operativo é a implantación de sistemas de produción de cordeiro en varias explotacións ovinas segundo as distintas zonas de Galicia implicadas, mediante unha xestión integrada, e con vistas á normalización da produción e á satisfacción estable das necesidades do mercado.

Os obxectivos específicos son a caracterización da carne e a canal, definición dunha dieta diferenciada que redunde na mellora da calidade do produto, deseño e adaptación dun sistema de organización entre pastores, análise do ciclo de vida e pegada de carbono dos diferentes sistemas de produción definidos, así fomentando a redución de emisións de CO2 e o apoio ás zonas de montaña (que é onde se sitúa boa parte do gando ovino galego).