Agroalimentario 4.0. Big data para unha produción intelixente, sostible e competitiva

O Grupo Operativo nace coa intención de mellorar os hábitos alimentarios dos consumidores mediante o desenvolvemento de estratexias 4.0 baseadas no Big Data.

Para iso, analizará a información facilitada por consumidores e expertos científicos sobre determinados alimentos e produtos alimenticios en diferentes redes sociais.

Estudarase o incremento da calidade nutricional dos produtos ofertados, mellorando a composición dos alimentos froito da implantación destas estratexias, que permitirán adaptar o produto ás novas demandas e necesidades nutricionais da poboación.