Proxecto Erasmus+: Mellora das competencias dos técnicos agrícolas

Internacionalización do Centro, fortalecendo o interese pola aprendizaxe de idiomas entre toda a comunidade educativa e mellorando as habilidades e competencias profesionais do alumnado participante. Aumentar a empregabilidade do noso alumnado e o impacto que a formación que reciben terá nas empresas que os contratan. Impacto positivo a nivel local. Varias empresas da zona viron reforzado o seu alcance internacional mediante a contratación de técnicos con mellores habilidades de formación e comunicación, grazas á súa experiencia formativa en países da UE, así como ao contacto directo con diversas partes interesadas doutros países dentro da área de influencia da escola. Difusión dos resultados, a formación e os coñecementos adquiridos ao resto da comunidade educativa e de formación profesional a través de plataformas educativas, xornadas de portas abertas e obradoiros, Facebook e Instagram.

RESULTADOS : hai unha mellora significativa en todas estas áreas (taxas de abandono escolar prematuro, que se reducen significativamente, desenvolvemento persoal, social e profesional do noso alumnado, inserción laboral de estudantes e recén titulados, visión e actitude emprendedora, dimensión internacional e imaxe corporativa, beneficios laborais para os traballadores novos recentemente formados no centro).