Grupo Operativo: Deseño dunha ferramenta baseada en novas tecnoloxías para a transferencia de resultados de I+D+i no sector lácteo

Este grupo de traballo ten como obxectivo crear unha ferramenta para identificar procesos de transformación de produtos lácteos técnica e economicamente viables para pequenas explotacións e pemes.

Permitirá que as innovacións cheguen ao sector lácteo nas zonas máis desfavorecidas a través dun dobre enfoque: primeiro, cunha orientación territorial, buscando respostas ás demandas comúns dos empresarios locais, e segundo, a nivel sectorial, transferindo innovacións e forxando redes entre os distintos elos da cadea. Os procesos poderán ser postos en marcha polos emprendedores locais a través de proxectos que permitan dinamizar o conxunto do rural afectado.

A adopción das melloras servirá para: aumentar o valor engadido retido para a explotación mediante a acotación das fases de industrialización e comercialización; mellorar a competitividade e viabilidade da explotación leiteira e acadar unha maior independencia dos gandeiros respecto da industria.