Uso para a cría de porcos celtas

O obxectivo deste Grupo Operativo é aproveitar a produción de biomasa do monte como alimento dos animais, sendo complementada con pensos e, ademais, realizar o estudo dos parámetros de calidade da canal e da carne procedente deste sistema de cría. .

O obxectivo é establecer un sistema de explotación porcina semiextensiva para aproveitar os recursos que produce o monte de forma sostible e rendible economicamente.

Contribuír ao control da biomasa vexetal, mediante a redución da matogueira, o que se traduce nun control máis eficaz dos incendios forestais, ademais de axudar ao desenvolvemento rural ao establecer unha poboación nunha zona desfavorecida, podendo crear un modelo facilmente extrapolable outras zonas de Galicia.

A compatibilidade do modelo gandeiro proposto coa explotación silvopastoril para aumentar a rendibilidade das explotacións estará vinculada ao estudo dun sistema de xestión eficiente orientado á produción de carne de calidade vinculada a unha zona de orixe e unha raza porcina.