Creación de pastos na serra do Xurés utilizando razas autóctonas de gando

Este Grupo Operativo ten como obxectivo crear e recuperar os pastos da Serra do Xurés ao tempo que se fomenta a produción en valor de carne de vacún. Para acadar este obxectivo, promóvese por parte dos gandeiros da zona o uso de técnicas tradicionais de pastoreo con razas de vacún autóctona. A Serra do Xurés posúe un alto valor ambiental, que inclúe varias figuras de protección de primeiro nivel como “Parque Natural”, “Reserva da Biosfera” e “Rede Natura 2000”.

Históricamente, os pastos de montaña, tamén coñecidos como brañas, foron utilizados para alimentar as razas autóctonas de vacún de carne mediante o pastoreo tradicional, e hoxe en día o seu uso está en declive. O pastoreo tradicional baséase na alimentación do gando o maior tempo posible no campo. Para iso, o gando pastoreará en distintos lugares ao longo do ano, segundo as estacións e como consuman os recursos dos pastos.

Este sistema de pastoreo repercute directamente na mellora dos ecosistemas de montaña en canto á biodiversidade, a cuberta vexetal e a protección contra os incendios nun territorio de altísimo valor ambiental. Ademais, tamén repercutirá na posta en valor da carne producida con este tipo de pastoreo así como na promoción económica dunha comarca en claro proceso de despoboamento.