GO FOPRODES: Trazabilidade e pegada de carbono das forraxes proteicas deshidratadas

Un sistema de información na nube que permite todo o proceso de xestión da produción de forraxe deshidratada. Nel estableceranse as actividades correspondentes que se deben realizar durante o proceso produtivo. Así mesmo, permitiranos determinar cando se executaron. O sistema estará dispoñible como código aberto para o seu uso por calquera axente do sector que o desexe.

Unha calculadora que permite a cada entidade determinar a súa pegada de carbono a través da caracterización da súa instalación e produción. Para iso, a calculadora recibirá datos sobre as operacións produtivas nunha ou varias parcelas, a caracterización do cultivo nelas, e establecerá o balance de CO2 resultante dunha colleita. O sistema estará dispoñible como código aberto para o seu uso por calquera axente do sector que o desexe.

Implantación dun sistema de operacións auditábeis baseado en cadeas de bloques. A cadea de bloques configurarase inicialmente coa participación dos socios do proxecto, pero estará aberta á incorporación doutros axentes á cadea que o desexen. Esta cadea permitirá rexistrar as operacións realizadas no cultivo e, deste xeito, garantir a trazabilidade das mesmas para comprobar os cálculos da pegada de CO2.

Conxunto de repositorios de resultados xerados polo proxecto (código fonte, modelos de coñecemento, etc.) accesibles a todo o sector. O proxecto busca maximizar a difusión dos resultados no sector para acadar un maior nivel de dixitalización.

Un modelo orientador para a explotación técnica, organizativa e económica das posibilidades que ofrece a implantación de sistemas de trazabilidade e a cuantificación da pegada de carbono.