Grupo operativo para o desenvolvemento sostible e a economía circular no sector vitivinícola

Creación dun Grupo Operativo para propoñer un Proxecto de Innovación que contemple a creación dun sistema de indicadores de sustentabilidade e o desenvolvemento de diferentes modelos de economía circular no sector vitivinícola.

Consiste no desenvolvemento dun sistema de indicadores baseado na metodoloxía DPSIR, que terá en conta os 5 vectores ambientais fundamentais inicialmente previstos (enerxía, auga, residuos, compras verdes e aspectos sociais), permitindo definir accións concretas de mellora para empresas que se concretarán en diferentes modelos de negocio de economía circular segundo as súas necesidades.

A metodoloxía DPSIR (Driving-Forces-Pressures-State-Impacts-Respond) ocúpase do desenvolvemento dun marco conceptual para formular e comunicar políticas e/ou respostas ambientais que se poidan implementar para paliar diferentes problemas ambientais, tendo en conta, á súa vez , aspectos sociais.

O DPSIR pode axudar a estruturar a información ambiental relacionada con problemas ambientais específicos do sector vitivinícola analizando as causas, as consecuencias e as posibles respostas que se poidan dar.