Grupo Operativo PREDIC I

Desenvolver solucións eficientes que, baseadas en información procedente de diferentes fontes e con distintas características espazotemporais, permitan, por unha banda, o desenvolvemento de algoritmos preditivos para elementos clave das operacións agrícolas e, por outra banda, extraer coñecemento oculto dos datos que non se pode extraer mediante a análise directa da información.

Así, o obxectivo do proxecto é xerar coñecemento a partir dos datos adquiridos e desenvolver modelos preditivos que sexan útiles para mellorar a xestión das explotacións mediante a optimización dos recursos. A retroalimentación do sistema con información procedente de novas campañas permitirá xerar modelos preditivos cada vez máis eficientes e mellor adaptados a cada área de estudo.