Maximización da mellora xenética das coníferas mediante técnicas innovadoras de propagación vexetativa en Galicia

Os obxectivos deste Grupo Operativo son:

• Avaliar a capacidade de maximizar a mellora xenética forestal dos programas de mellora e abastecemento por propagación sexual de coníferas mediante técnicas de propagación vexetativa en Galicia; estudar os formatos de multiplicación vexetativa como ferramentas tecnolóxicas e/ou biotecnolóxicas para a posta en valor dos resultados dos programas de mellora e abastecemento por propagación sexual de coníferas ou ensaios comparativos de viabilidade técnica entre distintos formatos de multiplicación e os efectos sobre a calidade do tronco; estudar a necesidade de materias primas de madeira de coníferas en Galicia; estudar a adaptabilidade dos resultados dos programas de mellora de coníferas, ou dos recursos xenéticos forestais dispoñibles, ás necesidades dos distintos usos industriais.
• Estudar individualmente a idoneidade de Pinus pinaster, Pinus radiata e Pseudotsuga menziessii; e o papel que poden ter outras especies aínda non consideradas polo sector como Pinus taeda; estudar comparativamente a viabilidade científica do uso de material clonal para o desenvolvemento de solucións mediante programas de mellora da propagación sexual e/ou vexetativa, estudar aquelas facetas necesarias para fortalecer/promover, a decisión de permitir a comercialización de materiais xenéticos mellorados deste tipo.