Cultivo de fungos en peróxido de hidróxeno para a micorrización de plantas

Este Grupo Operativo ten como obxectivo o cultivo de diferentes tipos de micorrizas en augas osixenadas para utilizalas na produción de plantas, tanto ornamentais, forestais como froiteiras.

Na actualidade, debido á contaminación, os monocultivos e a globalización, que leva consigo a introdución de novas pragas e/ou enfermidades para as plantas, é necesario dotar ás plantas dunha maior cantidade de fertilizantes, auga e fitosanitarios para combater este tipo de pragas e enfermidades ou potenciar as defensas naturais das plantas, o que se pode conseguir coa achega de micorrizas, que proporcionan á planta un maior aproveitamento e absorción de nutrientes, maior absorción de auga e maior autodefensa contra pragas e/ou enfermidades.

Actualmente, para a obtención de micorrizas son necesarios laboratorios esterilizados, demasiado caros para a gran maioría da poboación. Este problema resolveríase se as micorrizas se cultivasen en auga osixenada, permitindo que a planta se micorriza en viveiros cun custo moi inferior ao. se compran micorrizas comerciais, facendo o viveiro máis competitivo.