As oliveiras en Galicia

A utilidade práctica dos resultados reside na obtención dunha fórmula para evitar fraudes cando se introducen ó mercado aceites de produción galega. Así, darase un impulso definitivo á incorporación de aceite con olivas galegas obtidas a través de futuros produtores do rural galego que polas súas características bioclimáticas poidan incorporar este cultivo.

Para a propagación de estacas de oliveira, buscamos un socio que xa realice algún estudo sobre oliveira e coñecedor do sector, para que, unha vez iniciado este proceso, se difunda toda a información para que calquera persoa vinculada, ou quen queira vincularse ao rural pode realizar plantacións con plantas certificadas e garantindo variedade vexetal. Asemade, preténdese realizar un estudo para coñecer cal é o marco de plantación idóneo para que a planta non sufra estrés, estudar as necesidades hidráulicas e as pragas e enfermidades máis frecuentes que poden afectar a ela.