A “Axenda España Dixital 2026” promove a tecnoloxía 5G nos concellos de menos de 1.000 habitantes
Descrición
A “Axenda España Dixital 2026” promove a tecnoloxía 5G nos concellos de menos de 1.000 habitantes asimon mar, 20/09/2022 - 11:19
- O Ministerio de Asuntos Económicos e Transformación Dixital imparte formación en 5G para entidades locais con poboación inferior a 1.000 habitantes.
- O curso está dirixido a técnicos de entidades locais e concellos que traballan no despregamento de redes e instalacións de telecomunicacións.
- Os cursos comezan o 26 de setembro e rematan o 15 de decembro de 2022
A “Axenda España Dixital 2026” promove a tecnoloxía 5G nos concellos de menos de 1.000 habitantes
O Plan de Recuperación, Transformación e Resiliencia (PRTR) recolle no seu compoñente 15 que un dos principais obstáculos na instalación do 5G nos territorios é o descoñecemento ou coñecemento parcial do marco legal que abrangue os despregamentos de redes, a documentación requirida e prazos e tempos de resposta.
Esta situación dáse con máis frecuencia nos concellos máis pequenos ou que non contan con apoio administrativo suficiente.
É por iso que -no marco da Estratexia de Fomento da Tecnoloxía 5G- a Secretaría de Estado de Telecomunicacións e Infraestruturas Dixitais (SETELECO) estableceu como obxectivo para 2022 a formación 5G en zonas rurais, todo iso no ámbito do PRTR.
Detalles do curso
A formación está dirixida a 5.005 concellos en total , cunha poboación inferior a 1.000 habitantes, e constará de dúas fases :
- Formación en liña a través dunha plataforma de e-learning :
- Formación durante os meses de xullo a novembro de 2022
- 1 semana de formación individual, curso de 10 horas
- Titoría
- Formación presencial que se realizará nas instalacións das deputacións/delegacións da Xunta :
- Formación durante os meses de setembro ao 15 de decembro de 2022
- Cursos de dous días de 5 horas
- 10 alumnos por curso
- Titoría
Obxectivos do curso :
- Coñecemento da Lei Xeral de Telecomunicacións, en relación cos despregamentos de redes de telecomunicacións
- Aspectos técnicos e legais nos despregamentos de redes e dereito de ocupación
- Boas prácticas no despregamento de redes
- Nocións sobre as emisións electromagnéticas
Se estás interesado, podes contactar no seguinte correo electrónico: infodespliegueredes@tragsa.es