Proxecto INTERREG-SUDOE Retscoop: Transicións económicas rurais a través da economía social e a cooperación

O proxecto propón experimentar coa construción dunha metodoloxía de apoio compartido entre redes de economía social e solidaria (ESS) para entidades rurais afectadas por futuros cambios socioeconómicos importantes, mediante a creación de plataformas de cooperación local. Diríxese principalmente a territorios que afrontan unha necesaria transformación da súa economía, xa sexa por estar altamente especializados nun sector determinado (agricultura, viticultura, turismo, etc.), ameazados polo cambio climático ou experimentando unha diminución do atractivo e da poboación.

Para iniciar esta mudanza, a cooperación entre múltiples actores semella ser un factor clave de éxito e será o principio reitor da metodoloxía proposta: desenvolver un diagnóstico compartido do territorio, unha visión prospectiva e un plan de acción con todos os actores económicos, asociativos, institucionais e cidadáns; e promover novas actividades a través de dinámicas de cooperación entre estes actores.

De feito, os socios do proxecto comprobaron que non existe unha metodoloxía formalizada para apoiar ás entidades locais nesta abordaxe global de cambio de modelo económico no seu territorio, polo que aproveitarán as habilidades e a experiencia das organizacións dedicadas á promoción da economía social e solidaria en Francia, España e Portugal, co fin de desenvolver conxuntamente unha caixa de ferramentas para os territorios rurais.