Unidade integrada de aproveitamento da biomasa forestal

Este Grupo Operativo ten como obxectivo deseñar e desenvolver unha unidade integrada de aproveitamento da biomasa forestal, adaptada ao medio forestal da Península Ibérica, que permita unha redución dos custos na recollida de biomasa do monte en torno ao 30-40% inferior ao custo actual.

Partindo dos innovadores desenvolvementos realizados pola firma finlandesa Fixteri, preténdese conseguir un deseño óptimo de equipamentos de explotación forestal que permitan procesar simultaneamente a biomasa forestal dun xeito máis eficiente e integrado coas explotacións comerciais de madeira, con destino ao mercado da bioenerxía.

Deste xeito, búscase unha importante redución de custos que supoña unha vantaxe competitiva para as empresas do sector e para a industria bioenerxética española en xeral.