Grupo Operativo BIOMONTE: Innovación na xestión da biomasa forestal

Os obxectivos xerais de GOI BIOMONTE son: Incrementar a xestión da biomasa nos montes galegos, promovendo a mitigación do cambio climático. Definir novos modelos de xestión da biomasa para os montes galegos que potencien os recursos que na actualidade están ou ben inactivos ou infrautilizados para as comunidades rurais. Incorporar á cadea de valor os residuos procedentes do coidado e mantemento de hortas urbanas e outros espazos urbanos.

Os obxectivos específicos son: A produción de estelas a partir da biomasa forestal residual producida no monte CMVMC de Carballo e noutros montes próximos. A produción de compost e outros substratos a partir do aproveitamento da biomasa en forma de xesta existente no monte veciñal de Carballo e outros montes próximos, e da achega de residuos vexetais procedentes da poda e coidados ás hortas urbanas.