Grupo Operativo: Desenvolvemento e elaboración dun substrato fermentado a base de toxo para o sector ornamental

Este Grupo de Traballo pretende desenvolver diversos tipos de substratos alternativos e innovadores, substituíndo a turba por toxos, obtidos a través de diferentes procesos produtivos, para darlle a textura e tamaño de gran necesario para cada tipo de planta.

Para a preparación dos substratos é necesario plantar toxos, utilizando terreos forestais xestionados, matogueiras e/ou sen cultivo.

O toxo sementado recóllese en diferentes momentos e procesa de diferentes xeitos, e fai unha fermentación controlada para obter a materia prima que substituirá a turba dos substratos.

Crearanse e ensaiaranse substratos con diferentes cultivos, co fin de axustar as porcentaxes dos materiais que compoñen o substrato. As vantaxes disto son a necesidade de menos fertilizante químico xa que o toxo, sendo un leguminoso, posúe cantidades elevadas de nitróxeno que é facilmente asimilable pola planta unha vez fermentada; aportar valor engadido aos terreos onde se realizan as plantacións fixando nitróxeno da leguminosa e diversificando as explotacións e evitando incendios forestais, xa que o monte estará limpo.