Grupo Operativo SIVAGAL: Ferramenta para a xestión forestal sostible en Galicia

Este Grupo Operativo busca conseguir unha maior produción agrícola sostible, dedicando importantes esforzos á investigación e á innovación a todos os niveis. Un dos maiores problemas atopados é a conciencia e coñecemento ambiental dos propietarios.

O nivel de profesionalización é moi baixo, e o acceso á información tamén é un problema, xa que o alto nivel de fragmentación da información fai case imposible que os propietarios con escasos coñecementos técnicos accedan a ela.

A iniciativa impulsará un proxecto demostrativo que recompilará toda a información existente sobre os recursos naturais en Galicia como medio de promoción da planificación e xestión sustentable.

Esta ferramenta incluirá unha base de datos que permitirá aos usuarios obter información estratéxica sobre aspectos ambientais, ademais de desenvolver ferramentas de xestión, medición e mellora de indicadores ambientais.