Grupo Operativo: Xestión dos danos dos ungulados silvestres en Galicia

Este Grupo de Traballo ten como obxectivo crear un grupo multidisciplinar de técnicos, científicos, representantes dos sectores agrario e forestal, e representantes do sector cinexético para buscar solucións comúns, compartir coñecementos, e actuar como unha única entidade para abordar os problemas de xestión de danos que afectan aos ungulados silvestres en Galicia.

A iniciativa deste innovador proxecto centrarase nos danos causados polo xabaril e o corzo, polo seu importante impacto socioeconómico. Non obstante, existe a idea de abordar no futuro outras especies que poidan ser fonte de conflito e que raramente sexan consideradas (pequenos carnívoros, córvidos, etc.).

Trátase dun proxecto aberto á expansión con diversos axentes sociais, económicos e administrativos que se preocupan por manter un equilibrio entre as actividades tradicionais e a biodiversidade e queren participar neste proxecto. O obxectivo é buscar unha serie de solucións viables, informando e formando á comunidade agraria e outros axentes socioeconómicos, e detallando os pasos a seguir cando sofren danos.

Deste xeito, aprenderán a afrontar estas situacións e a atopar os recursos necesarios e suficientes para enfrontalas.