Identificación de métodos contra a avespa asiática

O obxectivo deste Grupo Operativo é reducir o asentamento e expansión da avespa asiática e reducir o impacto sobre as poboacións autóctonas de abellas Apis Mellifera e vespa Vespa Crabo, para o que se propón a creación dunha base de datos xeorreferenciada, un sistema de información xeográfica en onde se localizarían os niños retirados durante o ano 2015 pola asociación, así como as colmeas do territorio; introducindo tamén as baixas obtidas polo ataque da vespa velutina nas colmeas dos apicultores; Realizarase a comparación de diversas metodoloxías para a detección de niños e o coñecemento dos seus hábitos, experimentando coa eficacia da teledetección con cámaras incrustadas en RPA'S, así como co uso da termografía infravermella, continuando o traballo de colaboración coa cidadanía. . para atopar o maior número posible de niños primarios; Experimentarase a instalación de microchips nas propias avespas para obter información sobre as distancias de percorrido, as preferencias alimentarias e tamén a localización dos niños.

En canto á loita directa contra a velutina, compararase o método de eliminación mediante o uso de láseres asociados a drons co uso de trampas.