Grupo Operativo: Horticultura Ecolóxica Baseada na Xestión da Fertilidade do Solo

A creación deste Grupo Operativo ten como obxectivo deseñar modelos técnicos e económicos e sistemas de xestión para a implantación de centros de produción hortícola ecolóxica baseados na xestión da fertilidade do solo. Crear unha canle común de difusión do coñecemento.

Facilitar a conexión entre os distintos perfís e competencias das asociacións de produtores e consumidores ecolóxicos, entidades de interese social, centros de investigación agraria e organizacións agrarias entre o rural e o urbano.

Realizar obradoiros e cursos de fomento da iniciativa e a innovación entre a mocidade. Elaboración dun dossier monográfico que inclúa o detalle da idea, modelos e pautas para o seu desenvolvemento, así como un documento audiovisual ou de estilo didáctico.