Grupo Operativo: Creación de espazo virtual para a potenciación de estruturas comerciais

A creación dun espazo virtual combina ferramentas para a xestión do coñecemento e a xestión das empresas participantes, incluíndo sistemas de seguimento e avaliación do avance das súas actuacións. Isto ofrece unha perspectiva plural e diversa que permite optimizar a información contida neste espazo.

Este Grupo Operativo presenta, por unha banda, unha dimensión tecnolóxica que presentan as ferramentas ou aplicacións informáticas coas que se constrúe o entorno. Estas ferramentas serven de soporte ou infraestrutura para o desenvolvemento de propostas comerciais. Por outra banda, unha dimensión comercial que nos sitúa nun espazo empresarial dinámico de economía social, baseado na interacción xerada no mercado e na capacidade comercial das cooperativas do sector.