Xinzo de Limia acolle unha xornada sobre novas alternativas agroalimentarias e o modelo de recuperación da pataca
Descrición
A Asociación GDR10 Limia-Arnoia organiza a xornada técnica de formación “Novas alternativas vinculadas á produción e transformación agroalimentaria no rural. Modelo de recuperación da pataca da Limia” o 25 de marzo de 2026 , no marco do proxecto RURALMENTE : “Intercambio de coñecementos para o desenvolvemento de modelos promocionais que estimulen a adhesión a DOP/IXP en zonas rurais de interese estratéxico para Galicia e Estremadura” .
O evento celebrarase na aldea de Piñeira Seca (Xinzo de Limia, Ourense) e organizarase en colaboración coa IXP Pataca de Galicia . A xornada está deseñada como un foro de aprendizaxe e intercambio para analizar novas oportunidades relacionadas coa produción e procesamento agroalimentario no rural, utilizando como referencia o modelo de recuperación e valorización da pataca da Limia .
Dirixido a: grupo de expertos, equipo de coordinación e público en xeral, coa colaboración da IXP Pataca de Galicia.
Programa:
- 11:00 Escola Sarreus.
- Obradoiro de comida saudable, comida local
- 12:00 Presentación. A transformación da pataca.
- 13:00 Visita a Patatas Guais
- 17:00 Inauguración do espazo da exposición fotográfica.
- 18:00 Visita á aldea de Piñeira Seca
- 21:00 Peche