O enfoque de sistemas de innovación aplicado ao patrimonio local
Descrición
Obxectivo xeral
Dar a coñecer aos participantes os conceptos de innovación e a súa aplicación ao ámbito do patrimonio cultural. Adicionalmente, introduciranse os conceptos de sistemas sectoriais de innovación, a análise das dimensións dos procesos de intercambio e transferencia de coñecemento (TIC), facendo especial fincapé nas actividades de difusión profesional e divulgación social do coñecemento para que os participantes poidan deseñar estratexias eficaces de innovación e valorización social do coñecemento científico.
Metodoloxía
Interactivo-participativo, baseado en aprender facendo. Xunto coa descrición dos conceptos teóricos, traballaranse exemplos prácticos para facilitar a comprensión e aplicación do aprendido ao contexto profesional de cada participante. A mesa redonda facilitará o debate entre os participantes sobre as súas experiencias.
Contidos
- Conceptos xerais sobre innovación e enfoque de sistemas de innovación
- A cadea de valor do Patrimonio Cultural. Aplicación do enfoque de sistemas de innovación
- Exercicio práctico sobre a aplicación do enfoque de sistemas de innovación ao patrimonio cultural
- Procesos de intercambio e transferencia de coñecemento (ITC): enfoque e mecanismos
- Exercicio práctico de análise dos procesos TIC no ámbito do patrimonio cultural
- Xestión e cooperación para innovar na cadea de valor do patrimonio cultural
- Difusión profesional e divulgación social. Aplicación ao ámbito do patrimonio cultural