Ferramentas básicas de IA aplicadas á investigación

Plan Formativo Campus Terra 2026

18 e 25 de setembro de 2026

Organizador: Facultade de Humanidades

Este curso tratará de dar a coñecer que son e como se empregan os modelos xerativos, como aplicar a IA xerativa a metodoloxías cualitativas e cuantitativas e ás ferramentas de IA aplicadas á investigación máis axeitadas.

Esta acción formativa, coordinada por Gonzalo Francisco Fernández Suárez, porá o foco no concepto de modelos xerativos, expoñendo diversas propostas prácticas para o uso da IA en modelos cualitativos (revisións de literatura, análise de entrevistas, Focus Groups) e en modelos cuantitativos (limpeza de datasets e recomendacións de gráficas). Para elo, analizaranse diferentes ferramentas de terceiros que empregan a IA que axudan ao desenrolo de estudos académicos tanto cuantitativos como cualitativos.

O curso desenvolverase o 18 e o 25 de setembro de 17:00 a 20:00 horas na Facultade de Humanidades do Campus Terra de Lugo. As persoas interesadas en asistir poderán inscribirse no seguinte formulario. O número de prazas é de 30.