Proxecto da Fundación Biodiversidade: Formación en economía verde e circular

O proxecto de Formación en Economía Circular busca promover o desenvolvemento económico sostible na zona mellorando a empregabilidade dos seus destinatarios mediante a promoción de principios vinculados á Economía Circular. Estas novas tendencias están relacionadas coa xardinería, o control de pragas, a xestión de residuos, as certificacións ambientais, o urbanismo e o uso de recursos endóxenos. Entre os obxectivos fundamentais da Economía Circular están a ampliación do valor dos produtos e materiais, a minimización dos residuos e do uso de recursos, a creación de valor e a xeración de emprego, a innovación, as vantaxes competitivas, o aforro económico para toda a cadea de valor, a calidade de vida e a protección da saúde e do medio ambiente.