Proxecto INTERREG-SUDOE Sharedh2-sudoe: Hidróxeno renovable: unha solución para o almacenamento de enerxía flexible e distribuído en CELs

O proxecto europeo SharedH2-SUDOE ten como obxectivo consolidar o hidróxeno renovable como unha solución viable de almacenamento de enerxía para comunidades de autoconsumo, especialmente en zonas rurais. A iniciativa, que abrangue territorios de España, Portugal e Francia, busca avanzar no coñecemento técnico e científico do sector, así como probar solucións innovadoras en polo menos tres localizacións estratéxicas dentro da rexión SUDOE. Desde o seu lanzamento o 1 de xaneiro de 2024, SharedH2-SUDOE convocou foros de innovación e reunións de traballo para fomentar a cooperación entre os seus socios. A iniciativa tamén implica a partes interesadas clave do sector enerxético, como autoridades locais, empresas, consumidores, institucións educativas e comunidades enerxéticas.

Un dos primeiros logros do proxecto foi o desenvolvemento dun estudo de diagnóstico sobre a xeración, distribución, almacenamento e uso de hidróxeno verde na rexión SUDOE a pequena escala. Actualmente, o proxecto avanza ao longo de tres liñas clave:

1. Avaliación do consumo enerxético: Estase a desenvolver unha plataforma preditiva para analizar o excedente enerxético das comunidades participantes.
2. Posta en marcha de proxectos piloto: España: Un goberno local pretende crear unha comunidade enerxética nun parque industrial. Francia: Un parque tecnolóxico cun campus universitario está a traballar na infraestrutura para un sistema de mobilidade sostible baseado no hidróxeno. Portugal: Tres concellos están a explorar como utilizar o excedente de enerxía fotovoltaica para alimentar un sistema de transporte interurbano de hidróxeno.
3. Modelos teóricos para a integración do hidróxeno verde: estes serán probados nos tres casos piloto para determinar os requisitos técnicos e as capacidades nas comunidades enerxéticas.

Con estes avances, SharedH2-SUDOE posicionase como un referente na transición enerxética sostible, promovendo o hidróxeno renovable como alternativa clave no desenvolvemento de comunidades enerxéticas en Europa.