Curso de Agricultura Ecolóxica

A Comisión Europea situou a protección ambiental en xeral, e o desenvolvemento do sector da produción ecolóxica en particular, no centro das súas políticas a través do Pacto Verde Europeo e as súas estratexias de biodiversidade e "da granxa á mesa". Fixou o obxectivo de que o 25 % da superficie agrícola utilizada (SAU) de Europa estea certificada segundo os estándares de produción ecolóxica para 2030. Ademais, o Plan Estratéxico da Política Agrícola Común de España, 2023-2027, apoia ás explotacións agrícolas que asumen voluntariamente compromisos ambientais adicionais, estimando concretamente un aumento do 34 % no orzamento para a produción ecolóxica.

Por iso, dende Ecovalia, a asociación profesional española da produción ecolóxica, cunha longa experiencia e unha traxectoria de máis de 30 anos, lanzamos este curso dirixido a profesionais que desexen dedicarse a este sector (agricultores, gandeiros, etc.).

O sector da produción ecolóxica é un sector en constante crecemento que demanda profesionais cualificados e capaces de xestionar as explotacións segundo a normativa establecida. A través deste curso, o alumnado aprenderá sobre a produción ecolóxica, os pasos do proceso de certificación, a normativa e directrices vixentes e as prácticas aplicables a este sistema de produción.

Obxectivos

Proporcionar os coñecementos necesarios para converter a súa explotación agrícola á produción ecolóxica.