Implantación de medidas innovadoras para o control das condicións bióticas en plantacións de eucalipto en Galicia

O Grupo Operativo propón identificar as mellores ferramentas de loita empregadas no mundo e planificar a súa adaptación a Galicia, mediante unha estratexia que implique a todos os axentes de forma coordinada para conseguir de forma eficiente a prevención e o control das diversas condicións que presenta a masa eucalipto galega que comprometan a súa sustentabilidade.

Así, búscase identificar os procedementos de prevención e as mellores ferramentas para combater os danos bióticos e abióticos como gonipterus, danos do corzo, ataque de micosphaerella que se utilizan no mundo e planificar a súa adaptación e implantación en Galicia, definindo unha estratexia coordinada para todos os axentes. para conseguir de forma eficiente o control das masas forestais de Galicia.