Diferenciación por calidade da madeira de eucalipto para destinos concretos

Este Grupo Operativo busca mellorar o aproveitamento do eucalipto en Galicia, incorporando tecnoloxías que optimicen a valoración das masas, favorezan a silvicultura orientada ao produto, clasifiquen por calidade na cadea de subministración e melloren a transformación da madeira maciza. O obxectivo é validar un sistema de caracterización das propiedades tecnolóxicas da madeira de E. globulus e nitens sobre masas en pé e madeiras redondas, que asegure valores limiares nas propiedades tecnolóxicas de interese para a industria de pasta e madeira maciza.