Mellora das explotacións extensivas de razas autóctonas mediante o aproveitamento de recursos agrosilvopastorais

Este Grupo Operativo busca desenvolver un novo coeficiente de admisibilidade dos pastos arbustivos incrementando a superficie admisible en futuras solicitudes dos gandeiros para recibir fondos da política agraria común grazas á definición de pastos permanentes en función das prácticas locais establecidas en Galicia. Contribuirá a describir a vexetación típica dos pastos permanentes de prácticas locais establecidas, con compoñentes arbustivos e arbóreos, e que son aproveitados polo gando (bovino, ovino, caprino e cabalar).

Prestarase atención a aqueles mosaicos de vexetación con herba dominante ou característica de compoñentes leñosos e que, polo tanto, presentan un maior risco de non ser subvencionables na PAC, relacionándoos con hábitats máis relevantes; Facilitarase información para indicar os principais usos gandeiros asociados de cada tipo de vexetación dos pastos permanentes de prácticas locais establecidas; Determinarase a localización aproximada, así como unha distribución aproximada do tipo de vexetación nos pastos permanentes de prácticas locais establecidas, con carácter arbustivo e arbóreo, de explotación gandeira para a orientación de inspectores e gandeiros; Verificarase o valor forraxeiro, adaptado ás condicións galegas, das especies vexetais presentes nos pastos permanentes de prácticas locais establecidas para distintas ganderías.