Seminario técnico sobre produción vexetal con modelos rexenerativos

A Fundación Juana de Vega celebrará o Seminario Técnico A6 "Bases da Produción Vexetal con Modelos Rexenerativos" os días 9 e 10 de outubro de 2025. Esta actividade formativa presencial combinará sesións teóricas e prácticas en diversas localizacións da provincia da Coruña.

O obxectivo do seminario é formar técnicos, agricultores e asesores nos aspectos clave da agricultura rexenerativa aplicada á produción de cultivos , abordando aspectos como a fertilización sostible, a xestión de cultivos de cobertura, a sementeira directa e o control de pragas e herbas daniñas mediante técnicas respectuosas co solo e o ecosistema.

Localización das sesións

• Parte teórica : sede da Fundación Juana de Vega (Avda. Salvador Allende, 92. San Pedro de Nós, 15176 Oleiros, A Coruña).
• Parte práctica : Granxa Os Biosbardos (Lugar de Lendoiro, 15660 Cambre, A Coruña).

Programa planificado

Día 1 | Xoves, 9 de outubro (10:00 – 18:00)

• Presentación de obxectivos e facilitador/a.
• Fertilización mineral e orgánica do solo.
• Implementación de cubertas vexetais e uso de abono verde.
• Técnica de sementeira directa.
• Práctica : fertilización e mostraxe do solo.

Día 2 | Venres, 10 de outubro (9:00 – 14:00)

• Técnicas de control de pragas.
• Técnicas para o control de malas herbas.
• Práctica : control de pragas e malas herbas.
• Análise e conclusións.

Un compromiso coa agricultura rexenerativa

Este seminario enmárcase na liña de actividades da Fundación Juana de Vega centrada na transferencia de coñecemento e a formación en prácticas sostibles para o sector agroalimentario . A metodoloxía teórica e práctica permitirá aos participantes adquirir coñecementos técnicos e aplicalos no campo, fomentando a transición cara a modelos agrícolas rexenerativos e resilientes .