Preparación de materia orgánica para o seu uso como fertilizante

Os procesos de preparación da materia orgánica, para o seu uso como fertilizante, deben permitir unha xestión sostible da nutrición dos cultivos, aumentando a súa produtividade . Para conseguilo, apostamos por manter ou aumentar os niveis de materia orgánica, reducir a emisión de gases de efecto invernadoiro, a contaminación das augas, aumentar a capacidade de sumidoiro de carbono, mellorar a biodiversidade do solo, evitar a contaminación por metais pesados e outros contaminantes, promovendo a súa xestión como "solos vivos".

Nesta xornada presentaranse diferentes tecnoloxías que nos permiten reducir o impacto ambiental na elaboración de produtos fertilizantes orgánicos. Con estratexias que reducen as perdas de nitróxeno, como a acidificación de puríns, a compostaxe e a biometanización de residuos.