Agroxeomática: xeotecnoloxías aplicadas ao campo agroforestal
Descrición
Este curso ten como obxectivo:
1. Proporcionar unha base sólida en Sistemas de Información Xeográfica (SIX) aplicados ao sector agroforestal. Impartir formación no uso de xeoportais para a adquisición, análise e xestión de datos xeoespaciais. Integrar ferramentas SIX e datos obtidos de xeoportais na toma de decisións agroforestais.
2. Comprender os fundamentos e as aplicacións das técnicas GNSS (Sistema Global de Navegación por Satélite) no ámbito agroforestal, así como formarse no uso de ferramentas de xeolocalización, recollida e procesamento de datos de campo para a xeración de mapas.
3. Introducir os conceptos fundamentais da fotogrametría e o uso do LIDAR en aplicacións agroforestais. Ofrecer formación na captura, procesamento e análise de datos 3D mediante drons, cámaras e sensores LIDAR. Aplicar técnicas de modelado 3D para a xestión de cultivos, a análise do terreo e a optimización de recursos agroforestais.
4. Comprender os fundamentos da teledetección e a súa aplicación no campo agroforestal. Impartir formación no uso de imaxes de satélite e datos obtidos mediante drons. Empregar ferramentas para acceder e analizar imaxes multiespectrais para axudar na toma de decisións.
PROGRAMA | INSCRICIÓN Prazo de solicitude aberto ata o 21/05