Rede VITIS CLIMADAPT

A Rede VITIS CLIMADAPT está formada por entidades públicas de I+D+i de 15 Comunidades Autónomas e conta coa colaboración de viveiros, adegas, denominacións de orixe, así como fundacións e asociacións que achegan a visión do sector privado, para mellorar a coordinación entre os diferentes grupos de investigación nacionais que están a traballar nesta materia, e así maximizar o impacto dos seus estudos, ferramentas e materiais desenvolvidos, ao recompilar toda esta información nunha mesma base de datos.

O obxectivo xeral da Rede VITIS CLIMADAPT é mellorar a adaptación da viticultura ao cambio climático facilitando a interacción, a comunicación e o traballo en rede entre os grupos de I+D que traballan na conservación e mellora do material xenético da vide. Os obxectivos específicos son:

• Facilitar a comunicación e a colaboración activas entre os membros da rede;
• Diagnosticar o estado da investigación e a innovación en recursos xenéticos da vide para a adaptación ao cambio climático;
• Promover a interacción entre a investigación básica e o desenvolvemento de novos recursos xenéticos;
• Acordar procedementos e ferramentas comúns para a avaliación do rendemento produtivo, a calidade da uva e o potencial enolóxico dos recursos xenéticos.