Proxecto INTERREG-SUDOE Agrobotics-ditwins: Ecosistema para promover a circularidade e a agrorobótica mediante o uso de xemelgos dixitais

A Unión Europea propúxose o reto de converterse no primeiro continente climáticamente neutro para 2050, a través do "Pacto Verde Europeo", onde o medio ambiente e a agricultura son áreas clave. Neste sentido, 25 países asinaron a declaración "Un futuro dixital intelixente e sostible para a agricultura e as zonas rurais europeas", que fai fincapé na redución do impacto ambiental das actividades agrícolas e na mellora da seguridade da produción mediante o uso de tecnoloxías dixitais, onde a robótica e a intelixencia artificial son esenciais.

Isto levou ao concepto de "Agricultura Intelixente" ou Agricultura 5.0, un modelo de difícil adopción para as pemes do sector agrícola da rexión SUDOE debido aos riscos tecnolóxicos que implica. Estes riscos derivan de tecnoloxías que aínda non están o suficientemente maduras, xunto co elevado investimento necesario. Esta situación é particularmente aguda no caso das tecnoloxías robóticas, que requiren solucións altamente personalizadas. Polo tanto, este constituirá o reto que o consorcio que está detrás desta proposta abordará de forma colaborativa.