Grupo Operativo AGROFACTORY: Novas oportunidades para o desenvolvemento agrícola baseadas no uso integral de variedades de tabaco de biofábrica

A perda de competitividade de boa parte dos cultivos herbáceos tradicionais afecta gravemente á viabilidade das explotacións. Recentemente, froito dos esforzos de investigación e desenvolvemento en tecnoloxías de mellora xenética, están a xurdir novos cultivos industriais innovadores que basean a súa viabilidade no seu alto contido nun ou varios compostos de alto valor engadido. O obxectivo deste proxecto é a optimización das prácticas de cultivo e procesado de novas variedades de tabaco de biofábrica para o seu uso integral e a súa ampliación a nivel comercial. Ao final do proxecto espérase acadar os seguintes resultados para os usuarios finais: mellora da anotación do xenoma de Nicotiana tabacum; establecemento de procedementos de cultivo óptimos; maximizar o proceso de procesamento e biorefinería; e protocolos de trazabilidade. O obxectivo deste proxecto é, polo tanto, avanzar decididamente no desenvolvemento comercial destas novas variedades e dar o pulo decisivo para a implantación definitiva dos primeiros cultivos de biofábrica de Europa.