Demostrador dixital de froitas, seguimento de cultivos de kiwi
Descrición
O vindeiro 4 de outubro, ás 9:30 horas, o DiH Datalife Hub organizará unha xornada xunto con Kiwi Atlántico para presentar o seu demostrador dixital de froitas , implantado no marco do proxecto HIBA+ .
A finalidade deste evento é dar a coñecer, a nivel sectorial, unha solución experimental avanzada para o seguimento e xestión dunha explotación de kiwi en Galicia, que podería ser aplicada a outros cultivos froiteiros e mesmo hortícolas.
A xornada de campo terá lugar na granxa situada en Bonaval – Burgueira , mentres que a charla e a comida terán lugar no hotel Nueva Colina – Tomiño.
Ademais da presentación do centro e do proxecto, realizarase unha visita guiada ás instalacións , onde se poderá observar a tecnoloxía implantada en funcionamento .
O DIH DATAlife Hub é unha iniciativa que se desenvolve no marco da Estratexia Galega de Polos de Innovación Dixital, promovida pola Xunta de Galicia a través da Consellería de Economía, Emprego e Industria.