Agroxeomática: xeotecnoloxías aplicadas ao ámbito agroforestal
Descrición
Este curso ten como obxectivo:
1. Proporcionar unha base sólida en Sistemas de Información Xeográfica (SIX) aplicados ao sector agroforestal. Proporcionar formación no uso de xeoportais para a adquisición, análise e xestión de datos xeoespaciais. Integrar ferramentas SIX e datos obtidos dos xeoportais na toma de decisións agroforestais.
2. Coñecer os fundamentos e aplicacións das técnicas GNSS (Global Navigation Satellite System) no ámbito agroforestal, así como formarse no uso de ferramentas de xeolocalización, recollida e procesamento de datos de campo para a xeración de mapas.
3. Introducir os conceptos fundamentais da fotogrametría e o uso do LIDAR en aplicacións agroforestais. Proporcionar formación na captura, procesamento e análise de datos 3D mediante drons, cámaras e sensores LIDAR. Aplicar técnicas de modelado 3D para a xestión de cultivos, análise do terreo e optimización de recursos agroforestais.
4. Coñecer os fundamentos da teledetección e a súa aplicación no ámbito agroforestal. Impartir formación no uso de imaxes de satélite e datos obtidos a través de drons. Utiliza ferramentas para acceder e analizar imaxes multiespectrais para axudar na toma de decisións.
PROGRAMA | INSCRICIÓN Prazo de solicitude aberto ata o 21/05