Intelixencia Artificial Aplicada á Análise de Datos en Ciencias Biomoleculares e Tecnoloxía dos Alimentos

Plan Formativo Campus Terra 2026

7, 8, 9, 10 e 11 de setembro de 2026

Organizador: Facultade de Ciencias

Este curso introduce ao estudantado no uso de técnicas de Machine Learning (ML) con Python aplicadas á análise de datos complexos no ámbito das ciencias biomoleculares, a química analítica e a tecnoloxía dos alimentos.

Este curso, coordinado e impartido por Patricia Cazón Díaz e Sonia Valladares Rodríguez, busca que o estudantado comprenda os fundamentos de aprendizaxe automática aplicados a datos ómicos e biomoleculares e a datos fisicoquímicos e biomoleculares, así como aplicar técnicas de análise de datos en contextos como a caracterización molecular de alimentos, autenticidade e trazabilidade e a avaliación da calidade e seguridade.

Para elo, tamén se aboradará como usar bibliotecas de Python, implementar modelos supervisados en contextos reais, validación de métodos científicos e a xeración de resultados destinados a publicacións científicas, transferencia, etc.

O curso realizarase entre o 7 e o 11 de setembro en horario de 16:00 a 20:00 horas, na Facultade de Ciencias. Será necesario acudir con ordenador portátil e ter acceso á rede. As persoas interesadas en asistir, poderán inscribirse no seguinte formulario. O número de prazas é de 15.