Oleiros acolle unha xornada técnica sobre xestión da auga na agricultura rexenerativa.

A Fundación Juana de Vega celebrará o 25 de setembro de 2025 na súa sede de Oleiros (A Coruña) a xornada titulada "Bases da xestión e manexo da auga en modelos de produción agrícola rexenerativa".

O obradoiro presencial está dirixido a profesionais interesados en mellorar as súas habilidades na xestión da auga aplicada á agricultura sostible e rexenerativa.

Programa (10:00 – 13:30 / 14:30 – 18:00):

• Problemas actuais na xestión da auga.
• O ciclo da auga.
• Sistemas de rega eficientes.
• Principios básicos de deseño hidrolóxico e xestión da auga: método Keyline e drenaxe.
• Análise e conclusións.

Esta iniciativa busca proporcionarlles aos agricultores e asesores ferramentas prácticas que lles permitan implementar modelos de produción máis sostibles, eficientes no uso da auga e resistentes ao clima.